熱刺大手筆！重金收購西班牙奧運腳

最強博彩盤路過關神器《串績王》：http://win.on.cc/football/　

今季由紐奴執教嘅熱刺，近期喺轉會市場動作多多，據報佢哋已經同西維爾達成協議，將會簽入西班牙奧運腳拜恩基爾，熱刺為呢位20歲翼鋒付出2,500萬歐元，再加埋阿根廷球星拉美拿作為條件，相當大手筆！消息指轉會已經進入最後程序，日內可以落實。

拜恩基爾上季被西維爾外借去伊巴，雖然球隊最後降班，但呢位翼鋒29次上陣攻入4球，今年3月更入選西班牙國家隊，表現受到肯定。拜恩基爾並冇參加今夏歐國盃，但目前正隨西班牙奧足喺東京出戰奧運。

熱刺收購拜恩基爾接近完成後，亦即將簽入阿特蘭大門將高連尼，據報呢位26歲門將會先以借用身份加盟熱刺1年，熱刺明年有權有1,500萬歐元將佢買斷。