愛華頓球星入住安全屋 施古臣被贊助商飛起

20210722
東網電視
更多新聞短片
足球博彩神器,每日重心提供盡在《彩報》:http://win.on.cc/football/ 
愛華頓球員涉嫌性侵兒童一案,據報被捕嘅31歲國腳暫時獲釋後,已經搬入安全屋同父母、細妹一齊,英國警方亦去到涉事球員嘅住所進行搜查,檢走多項物件。雖然英國報章因法律原因被禁公開涉案球員身份,不過冰島媒體已認定基菲爾施古臣就係疑犯,有贊助商亦即時踢走呢位代言人嘅宣傳物品。
英國傳媒報道,涉案球員喺上星期五被捕,保釋之後正入住安全屋,佢嘅父母同細妹都有陪同,而佢老婆亦都搬離兩人價值200萬鎊嘅豪宅,飛返屋企同自己父母一齊。根據涉案球員嘅背景,愛華頓只有戴爾夫同基菲爾施古臣同描述吻合。
冰島權威媒體《MBL》就直指基菲爾施古臣就係被捕球員,由佢代言嘅丹麥能量飲料State Energy,更即時抽起喺冰島連鎖超市嘅宣傳活動,發言人表示:「丹麥嘅母公司同基菲爾施古臣達成協議,但我哋喺冰島嘅公司決定抽起所有宣傳材料。」