奧運村爆疫情 美國女子體操隊寧願住酒店

20210722
東網電視
更多新聞短片
(Getty images)
美國女子體操隊後備選手伊卡亞(Kara Eaker)周一(19日)確診新冠肺炎,目前同其密切接觸者兼華裔隊友王琳正在隔離中,而美國女子體操隊教練蘭迪(Cecile Landi)近日就宣布全隊唔會入住奧運村,奧運期間將會繼續住喺東京酒店。
「依個係我哋共同做出嘅決定,或者咁樣會令奧運體驗唔完美,但疫情下本來就無完美依個選項,喺酒店入面能夠更好咁保證運動員嘅健康同安全。」美國女子體操隊教練蘭迪於社交網站表示,而美國體操協會亦喺官網強調全隊一定會嚴格遵守防疫規定。
東京疫情控制並唔理想,當中奧運村暫時更出現至少67宗,牽涉選手及相關工作人員嘅確診病例,相信依個亦成為美國女子體操隊唔願入住奧運村嘅主因。