未開打已火藥味濃 日網民叫國乒主席滾

2021年07月22日 16:28
東網電視
更多新聞短片
(Getty Images)
被視為中日最大爭奪戰的乒乓球,未開波已經有火藥味,中國乒協主席劉國梁接受訪問時表示,東京體育館的場地比較細,即引起日本網民不滿,仲話唔鍾意可以Out。
中國乒隊日前已抵東京,並且進行首課訓練,而劉國梁坦言:「原本世界大賽一般情況是7x14的擋板,決賽就會是8x16,但我剛才量度了,這裡應該是6x11,再加上兩張裁判枱佔去一定面積,對運動員跑動有點擔心,這個跟以前的地方不太一樣。」
日媒對於劉國梁「踩場」後的不滿報導,即惹來很多日本網民還擊,有球迷表示:「唔鍾意可以返歸,全部都係牢騷,中國、俄羅斯同埋南韓唔好嚟日本,去南極及北極參加奧運會啦。」
有網友話:「每個國家都有相同嘅規則,中國同南韓都抱怨太多,如果呢個係國際規定沒冇問題;再講條件一樣,莫非中國球員對自己無信心。」不過,日本球迷都認為東道主要聽意見,「劉國梁曾贏過奧運金牌,佢嘅投訴都冇錯。」
中國過去在奧運會稱霸多年,而日本隊為了主場搶金,早幾年已培育年輕新星,張本智和及伊藤美誠被視為日本乒隊的奪金希望。乒乓球項目將於周六(24日)開打。
支持本地運動齊去「睇體」!
東網體育FB同你追實體壇每個精彩時刻!
Follow東網體育IG一齊撐本地運動員!