爭贏卡雲尼?網站搶先賣辛祖「魔7」波衫

20210722
東網電視
更多新聞短片
足球博彩神器,每日重心提供盡在《彩報》:http://win.on.cc/football/ 
曼聯同多蒙特就查頓辛祖轉會達成協議,雖然要等呢位英格蘭國腳度假之後先可以落實,不過網上瘋傳查頓辛祖將會繼承曼聯傳奇7號戰衣,有著名波衫網站更已搶先賣查頓辛祖嘅曼聯7號波衫。
英國《每日鏡報》報道,查頓辛祖最鍾意嘅號碼係7號,但曼聯7號目前已經由卡雲尼擁有,如果查頓辛祖想繼承呢個碧咸、C朗拿度都用過嘅傳奇號碼,就要先同卡雲尼進行溝通。事實上,曼聯都唔係未試過為討好新球員,要現有球員轉號碼,2016年就曾經強逼安東尼馬迪爾讓出9號球衣畀伊巴謙莫域,搞到該位法國前鋒相當不滿。
據報查頓辛祖如果拎唔到7號波衫,可能會焗住改用16號,但著名波衫網站ProDirectSoccer唔知係咪收到風,搶先出售查頓辛祖嘅曼聯7號波衫,不過搞笑嘅係,球迷同樣可以喺呢個網買到卡雲尼件曼聯7號,似乎想食晒兩家茶禮喎!