熱刺熱身賽大勝　迪利阿里轉型博翻生

足球博彩神器，每日重心提供盡在《彩報》：http://win.on.cc/football/　

今季由葡萄牙領隊紐奴執教嘅熱刺，周四(22日)凌晨熱身賽以3比0大勝高車士打，歸隊訓練只有幾日嘅孫興民都有入波，不過今場焦點人物係迪利阿里，呢位英格蘭中場喺紐奴執教後，轉型做墮後嘅中場組織者，表現大獲好評。

熱刺領隊紐奴今場繼續踢4-3-3陣式，預示佢會放棄之前執教狼隊嘅5後衞陣式，今場面對實力麻麻嘅高車士打，11分鐘就由孫興民先開紀錄，3分鐘後盧卡斯莫拉再入1球，而迪利阿里喺38分鐘入波，熱刺最終贏3比0完場。

迪利阿里出道就踢「10號」位置，喺哈利卡尼身後製造入波同後上埋門，不過今場佢就改踢墮後嘅中場組織者，喺進攻嗰陣先至推上前踢進攻中場，初步獲得唔錯嘅評價。