疫情影響！曼城開季前得1場熱身賽

足球博彩神器，每日重心提供盡在《彩報》：http://win.on.cc/football/　

新冠肺炎疫情肆虐之下，多支球隊季前備戰工作大受影響，英超冠軍曼城原本計劃去法國踢熱身賽，但依家被逼取消，導致「藍月亮」今個夏天只有1場熱身賽，球員好可能唔夠時間操起狀態，迎接新球季。

曼城將於香港時間7月28日凌晨同英冠球隊普雷斯頓踢首場熱身賽，跟住前赴法國，同特魯瓦踢熱身賽。不過，由於當局更改防疫規定，如果曼城去法國，返回英國之後，就需要隔離10日，就算曼城全部球員已經打咗疫苗，都冇得豁免，所以惟有取消法國之行。

根據曼城賽程安排，踢完對普雷斯頓嘅熱身賽之後，下一場就係香港時間8月8日凌晨社區盾對李斯特城，跟住出戰英超首輪聯賽對熱刺，備戰不足情況下，隨時影響季初表現。