捨己成仁!美國男子水球隊隊長缺席開幕禮

2021年07月23日 15:30
東網電視
更多新聞短片
(Getty images)
奧運開幕禮即將展開,但美國男子水球隊隊長史密夫(Jesse Smith)卻宣布缺席,事關美國奧委會基於防疫規定,只係容許12名球員出席,但美國水球隊陣中有13人,咁所以依名老大哥都好識做,寧願自己唔去,都畀機會班後生仔落場感受氣氛。
史密夫於社交網站上表示:「我試圖讓我們的團隊團結在一起,但沒有成功,現在是時候重新專注,為比賽做好準備,所以今晚我會派我的隊友到開幕禮,並自豪地代表(美國)享受每一刻,小伙子們走吧!」
已經38歲嘅史密夫將會第5次參加奧運,喺少數能夠同名將阿澤維多(Tony Azevedo)平起平坐嘅球員,而據聞佢仲曾經被美國考慮成為開幕禮持旗手男性代表。
另外美國隊成員今次出席開幕禮嘅服裝亦相當特別,出面著住個件白色牛仔褸除咗型之外,原來裹面仲裝有迷你空調系統。消息指迷你空調系統可以監控、優化溫度同散發運動員嘅皮膚熱量,並會無縫咁放入件衫,令運動員即使喺日本嘅悶熱天氣下,都可以持久感受到涼爽感覺。
支持本地運動齊去「睇體」!
東網體育FB同你追實體壇每個精彩時刻!
Follow東網體育IG一齊撐本地運動員!