足總禁用心臟除顫器 艾歷臣意甲生涯成疑

20210723
東網電視
更多新聞短片
最強博彩盤路過關神器《串績王》:http://win.on.cc/football/ 
國際米蘭中場基斯甸艾歷臣,喺歐國盃期間因心臟問題暈倒球場,事後更要加入入心臟除顫器,不過意大利足總技術科學委員會周五(23日)宣布,當地賽事禁止球員戴心臟除顫器比賽,如果基斯甸艾歷臣要喺意甲上陣,就要移除裝置,令呢位丹麥球星嘅意甲生涯成疑。
意大利足總一向禁止球員配戴心臟除顫器,由意甲同業餘賽事都一視同仁,意大利足總技術科學委員會發言人巴干拿路日前證實:「基斯甸艾歷臣唔會獲批准上陣,除非仍將心臟除顫器移除,並喺病理學上證明問題可以解決,咁佢就可以再為國際米蘭上陣。」
丹麥軍醫早前曾經話基斯甸艾歷臣「有需要」配戴心臟除顫器,但意大利禁止球員戴心臟除顫器比賽嘅條例已經出現超過20年,而且成功降低運動員因心臟有問題嘅死亡率,所以「破例」機會極低,基斯甸艾歷臣可能會被逼離開國際米蘭同意甲。