麥巴比通知聖日耳門　踢埋今季就閃

足球博彩神器，每日重心提供盡在《彩報》：http://win.on.cc/football/　

巴黎聖日耳門日前宣布同主帥普捷天奴續約到2023年，畀佢多啲時間組軍同整頓，但轉個頭普帥就面對一大煩惱，就係法國前鋒基利安麥巴比唔肯續約。

麥巴比喺今夏歐國盃孭晒鑊，射失12碼累法國出局，經過一輪休息，麥巴比結束抖暑返到球會報到，而佢第一件事就係通知會方，佢唔會續約，如按現時合約估計，明年麥巴比將回復自由身。

麥巴比嘅續約問題持續困擾聖日耳門，會方用盡所有方法，包括開出頂級年薪，麥巴比都唔答應，西班牙《馬卡報》報道，麥巴比由始至終都冇改變想法，就係同聖日耳門約滿後轉投皇家馬德里，呢個係佢本人一早規劃好，唔會咁容易改變。

照現時情況發展落去，聖日耳門將面對人財兩失情況，佢哋會點做？