石偉雄東奧失利未言退：巴黎見！

香港「跳馬王子」石偉雄昨日（24日）出戰東京奧運體操資格賽，可惜未能以兩個高難度動作「李世光跳」晉級決賽。重整心情後，今日（25日）他在社交網站宣布今屆奧運不是其終點站，他會繼續用這兩套高難度動賽比賽，劍指2024年的巴黎奧運會。

今次是「石仔」繼2012年倫敦奧運之後，再次踏上奧運舞台。這位29歲港將表示，這次無論心理及生理都準備得很好，雖然未能如願以兩個6分動作衝擊獎牌，但已經盡力，不會後悔：「雖然今次入唔到決賽，失望唔多唔少點都有，但我冇氣餒，我冇頹。比賽輸贏成日都有，對運動員嚟講結果重要，但喺呢個過程入面點樣一步一步向前行，衝破一個一個嘅難關都好重要。」

他答謝教練、團隊及香港人的支持，同時宣布將會以巴黎奧運為下一個目標：「呢次奧運只係開始，而唔係終點，我做得呢兩個動作，有心理準備接受所有嘅風險，嚟緊我都會繼續用呢兩跳去比賽，會繼續努力。Fight Until The End！巴黎見！多謝你哋支持香港運動員。」