曼城「造假數」新證據曝光　有手尾跟

最強博彩盤路過關神器《串績王》：http://win.on.cc/football/　

英國《每日郵報》爆料，搵到曼城違反歐洲足協「公平財政條例」嘅新證據，該媒體獲得一批電郵，發現曼城將贊助費報大數，以符合歐洲足協嘅財政規定，事件曝光之後，呢支英超冠軍可能又會面臨歐洲足協處罰。

據悉，曼城同主要贊助商阿提哈德航空之間嘅交易，存在造假欺詐，例如2010/11年球季，曼城從阿提哈德航空手上只獲得400萬鎊，但球會卻開出1,200萬鎊嘅發票，並喺發票上用手寫紀錄實際數額為400萬鎊。曼城就係用呢種方法，不斷誇大贊助費，令外界以為佢哋財政健康。

曼城盤數一早已經被指有造假成份，2020年2月歐洲足協曾經以違反「公平財政條例」，判罰曼城禁止參加歐洲賽2年，但「藍月亮」上訴至國際仲裁法庭，推翻歐洲足協嘅判決。今次有新證據曝光，歐洲足協可能會作出調查。