PSG球迷掛橫額示威　反對普巴入「門」

最強博彩盤路過關神器《串績王》：http://win.on.cc/football/　

盛傳法甲勁旅巴黎聖日耳門(PSG)即將以4,300萬鎊收購曼聯中場球星保羅普巴，但PSG球迷卻反對呢位28歲法國國腳加盟，有人喺PSG主場及訓練基地外掛起一幅大橫額，叫普巴應該聽媽媽說話，唔好加盟聖日耳門。

巴黎聖日耳門主場王子球場及訓練基地外，近日都出現一幅白底紅字嘅大型橫額，寫住：「普巴，你應該聽媽媽說話，佢唔想你來呢度(PSG)，我哋都唔想。」

保羅普巴同曼聯只剩下1年合約，據悉佢已經拒絕紅魔鬼開出嘅35萬鎊周薪續約條件，曼聯為免普巴明夏約滿自由身離隊，導致人財兩失，準備接受巴黎聖日耳門開出嘅4,300萬鎊報價，但普巴未入「門」，已經引起PSG民憤，令呢單世紀交易出現暗湧。