般費去咗參加奧運？真相原來係咁

最強博彩盤路過關神器《串績王》：http://win.on.cc/football/　

突尼斯運動員真度比獲得東京奧運男子58公斤跆拳道銀牌，一戰成名，但並非因為佢成績特別好，而係由於佢個樣生得非常似曼聯中場般奴費南迪斯，唔講仲以為係呢位葡萄牙國腳失散咗細佬。

真度比參賽之後，已經有記者問佢覺唔覺得自己似般奴費南迪斯，估唔到呢位19歲小將竟然答：「我唔知邊位係般奴費南迪斯，但有朋友話我似奧斯爾。」

真度比呢個答案，真係令人O嘴，立即成為網上熱話，有民網認為真度比應該係「反曼人士」，或者係阿仙奴球迷，當然唔排除佢太專注練習，平時好少睇波。