高普唔敢冒險　VVD復出無期

最強博彩盤路過關神器《串績王》：http://win.on.cc/football/　

利物浦中堅華基爾雲迪積克(VVD)上年10月受傷之後，一直缺陣，領隊高普被傳媒問到呢位荷蘭國腳能否喺周五(30日)凌晨熱身賽復出對哈化柏林，佢表示唔敢冒險畀VVD上陣，亦未知VVD幾時可以參賽。

高普話：「如果華基爾雲迪積克可以上陣，會係一個驚喜，佢現時情況唔錯，我哋必須有耐性，因為我哋係為咗準備一個球季，而唔係一場熱身賽，我唔會為一場比賽而冒險。」

高普同時透露另一位長期養傷嘅中堅祖高美斯，情況同VVD一樣，要等待時機成熟，先至會畀佢上陣。