朗尼再捲桃色醜聞 色情照流出疑被設局

20210726
東網電視
更多新聞短片
最強博彩盤路過關神器《串績王》:http://win.on.cc/football/ 
曼聯同英格蘭名將朗尼再捲入桃色風暴,近日網上瘋傳多張朗尼同2名衣着暴露嘅女Model酒店房內合照,當中有部份相片見到朗尼坐喺櫈上疑似瞓覺,半裸嘅女Model就喺佢身邊大擺色情Pose。相片曝光之後,已婚兼有4個仔嘅朗尼懷疑自己被設局,已經報警求助。
據報上星期六(24日)晚,朗尼同2名朋友喺曼徹斯特一間夜店消遣,期間邀請3位女Model去佢個VIP房一齊玩,其中一位友人向英國《太陽報》表示,所有人都玩得好癲好開心,但冇任何越軌行為,其中一個Model係有13,000個IG粉絲嘅泰娜,佢亦喺IG貼出同朗尼夜店內嘅合照。
不過好戲在後頭,之後網上出現多張尺度極大嘅相片,當時場景已經轉去酒店房內,其中2張相見到朗尼坐喺度瞓着,側邊床上就有只剩胸圍同底褲嘅女模瞓喺度,另一邊就有低胸女子自拍;另一張相就係一名女子除剩T-Back內褲喺朗尼身邊扭臀,並且寫上「有錢佬朗尼」。
英國傳媒報道,朗尼嘅律師已經報警,雖然未知投訴內容係乜,但消息指朗尼懷疑自己被人設局,而且喺未得到同意下被人偷拍放上網。至於3位女Model未有對當晚事件作出回應,據報當時3位女子本身係去夜店慶祝21歲生日,佢哋家人話同流出嘅色情合照,只係貪得意嘅惡作劇。
朗尼之前捲入過多次桃色醜聞,2010年就曾被揭背住大肚老婆麥露蓮,同妓女伍德、湯普森大玩3P性遊戲,近年亦唔止一次被影到夜店攬女同帶女仔上酒店。