巴塞大清貨　寸王有意接收法國中堅

最強博彩盤路過關神器《串績王》：http://win.on.cc/football/　

西甲勁旅巴塞隆拿陷入財困，計劃今夏出售多位球員，引來各大球會「揀貨」，其中羅馬新帥摩連奴就有意簽入巴塞中堅基文迪朗格勒，打算用1,500萬歐元收購呢位26歲法國國腳。

西班牙《每日體育報》指摩連奴認為羅馬有必要提升防線實力，因此對基文迪朗格勒非常有興趣，呢位身高1米86嘅中堅上季為巴塞上陣48次，入咗1球，亦有份為法國出戰今屆歐國盃。

不過，巴塞隆拿要求2,500萬歐元轉會費，成為交易最大障礙，另外基文迪朗格勒比較傾向去英超搵食，摩連奴要簽入佢，並唔容易。