艾達韋列特飛抵多哈　熱刺心儀目標被截胡

最強博彩盤路過關神器《串績王》：http://win.on.cc/football/　

熱刺今季喺紐奴執教下，近期喺轉會市場頻頻出招，中堅係紐奴嘅重點重建區域，效力熱刺6年嘅老將艾達韋列特率先被踢走，呢位32歲比利時國腳周一(26日)已經飛抵多哈，將會簽約卡塔爾勁旅艾杜哈尼，而且未簽約已經搶先戴上艾杜哈尼頸巾。

艾達韋列特喺2015年加盟熱刺，6年來一直有出色表現，上年佢本來已經想離隊，不過被摩連奴成功挽留，但紐奴今年全面重建，熱刺亦接納艾杜哈尼嘅1,300萬鎊開價。

消息指熱刺依家全力身色新中堅，不過原本心水人選佐基姆安達臣，據報已被水晶宮截胡，呢位丹麥中堅由會富咸以2,300萬鎊轉會費過檔。效力阿特蘭大嘅基斯甸羅美路，將會成為熱刺新目標，呢位阿根廷球星轉會費達4,200萬鎊。