中華台北開齋　郭婞淳達成「金滿貫」！

香港已經攞咗金牌，東京奧運嚟到第5日，中華台北亦開齋奪金，女子舉重59公斤級賽事，郭婞淳以打破兩項奧運紀錄成績，為寶島奪得本屆奧運第一金！

郭婞淳在挺舉133公斤、抓舉103公斤，總計236公斤奪金，其實佢一直好有實力，上屆里約奧運獲得銅牌，亦曾喺世錦賽、世界盃、世大運、亞運奪冠，今次贏埋奧運，正式達成「金滿貫」創舉。

呢位27歲女力士青少年時期係籃球及田徑兩棲選手，後轉為參加舉重比賽，自始踏上舉重之路，在今屆東奧登上巔峰。