臨開咧爆醜聞　朗尼面臨被打比郡炒魷

足球博彩神器，每日重心提供盡在《彩報》：http://win.on.cc/football/　

英格蘭名將朗尼近日捲入「偷拍門」醜聞，喺酒店房內同2名性感Model照片流出後引起極大回響，據報英國警方調查後，認為冇證據話事件涉及勒索，周三(28日)決定終止調查，而英國《太陽報》就指打比郡會喺日內開會，決定係咪炒朗尼魷魚。

《太陽報》消息指，朗尼再次捲入桃色醜聞令打比郡非常不滿，消息人士透露：「打比郡依家對炒朗尼係50/50，球會認為領隊係應該以身作則，如果連領隊都控制唔到自己嘅行為，佢仲可以點樣帶領一班年輕球員？而且呢啲新聞好影響打比郡嘅形象。」

不過，英冠新一季喺8月7號就展開，臨開咧先易帥肯定會影響球隊表現，而且朗尼嘅人工係英冠領隊之中最高嗰班，炒佢魷魚亦會造成財政損失，所以打比郡陷入兩難局面。據報朗尼指自己係被設局陷害，而老婆麥露蓮亦相信老公並冇犯錯。