摩連奴倒戈臨尾香 羅馬遭波圖逼和
20210729
東網電視
更多新聞短片
足球博彩神器，每日重心提供盡在《彩報》：http://win.on.cc/football/
摩連奴成為羅馬教練之後，仍然未擺脫「臨尾香」宿命，佢率領羅馬喺周四(29日)凌晨同波圖踢熱身賽，領先之下，踢到89分鐘失守，被呢支葡超勁旅逼和1比1。
摩連奴曾經協助波圖奪得葡超、歐洲足協盃(歐霸前身)、歐聯冠軍等榮譽，走上名帥之路，「寸王」今次帶領羅馬倒戈鬥波圖，可以話係百般滋味在心頭。
羅馬喺56分鐘由中堅基安盧卡文仙尼頂入角球，打開紀錄，當摩連奴以為有機會為羅馬取得熱身賽5連勝嘅時候，點知踢到89分鐘，波圖靠21歲中場域天拿射入扳平1比1完場。
摩連奴執教熱刺時期，球隊經常比賽末段失守，導致失咗唔少分數，最終令到「寸王」被炒，佢今場又遇到呢個尷尬情況，唔知有冇勾起悲痛回憶呢？