迪素爾破世績贏100自　追平單屆6金牌唔出奇

美國男子泳手迪素爾（Caeleb Dressel）於東奧男子100米自由泳決賽，以破奧運紀錄時間嘅47秒02贏得第一面個人賽奧運金牌，迪素爾早前已經贏得男子4x100米自由泳接力金牌，之後仲會參加50米自由泳、100米蝶泳、男子4x100米混合泳接力同混合4x100米混合泳接力，將會向單屆6面獎牌嘅目標挑戰。

「今屆係非常艱難嘅一年，但都可以得到咁好結果，所以我好高興。」迪素爾賽後相當激動，仲同身處喺佛羅里達州格林科夫斯普林斯小鎮嘅屋企人即時視像通話，場面非常感人。

另外歷史上只有4名運動員喺單屆奧運會上獲得6面金牌，包括白羅斯體操名將沙保（Vitaly Scherbo）、德國泳手奧圖(Kristin Otto）、2名美國泳手史畢茲及菲比斯，迪素爾目前狀態出色，最終追平紀錄絕對唔出奇！