阿仙奴大諗頭　想收購國米神鋒

最強博彩盤路過關神器《串績王》：http://win.on.cc/football/　

阿仙奴上季英超僅排第8位無緣來屆歐洲賽，會方痛定思痛，計劃今夏大肆增兵，提升實力，英國傳媒指兵工廠主帥阿迪達準備簽入1位頂級射手，目標直指國際米蘭前鋒拿達路馬天尼斯。

阿仙奴早前已經簽入賓菲加後衞紐奴泰華利斯、安德列治中場森比盧干加，加上白禮頓中堅賓韋特即將加盟，阿迪達現時將增兵重心放喺鋒線，《Football Insider》指佢頭號目標係拿達路馬天尼斯。

呢位將24歲阿根廷國腳上季為國米上陣48場，射入19球及11次助攻，並有份協助阿根廷奪得今屆美洲國家盃冠軍。

據悉國際米蘭將拿達路馬天尼斯標價為7,500萬鎊，兵工廠要簽入佢，必須大出血。阿仙奴仲有另一個收購目標，就係車路士前鋒譚美阿巴謙，車仔要求4,000萬鎊轉會費，阿仙奴希望以先借後買方式簽入佢。