獎金豪宅被走數？楊倩家人：沒人聯繫我們

奧運奪金運動員通常會有各式各樣獎勵，獎金、獎品，免費乜乜物物，送屋送地。東京奧運首金得主中國射擊選手「派心槍后」楊倩，獲得豐厚獎金，更有商家承諾送贈豪宅，但依家楊倩已回國，其家人竟表示完全唔知送樓一事，亦冇人聯絡佢哋。

內地傳媒報道，楊倩奪首金後，再聯同隊友奪得團體金牌，取得兩金回國，而首金獎勵更有人發出清單，包括國家體育總局100萬（人民幣‧下同）、浙江省人民政府100萬、寧波市人民政府100萬、鄞州區人民政府500萬、姜山鎮政府300萬、一地產商送一套江景房。

雖然係得獎清單，但只係傳聞，當傳媒查證之下，發現好多都係吹住先，該送樓地產商公關部表示，由於樓房已售罄，可能會送出示範單位，但要等楊倩回國才定。

至於各單位列出嘅獎金，相關部門都未見有表示，其中鄞州政府及姜山鎮更未有設下獎勵，所以「派心槍后」得到幾多獎金獎品，真係好難講。