車路士天價買盧卡古被拒　國米索價1億鎊

足球博彩神器，每日重心提供盡在《彩報》：http://win.on.cc/football/　

車路士今夏轉會市場最大目標，係收購一名頂尖前鋒，不過斟艾寧夏蘭特同羅拔利雲度夫斯基先後失敗，據報「藍戰士」近日開價8,600萬鎊加上馬高斯阿朗素收購盧卡古，但就被國際米蘭一口拒絕，消息指國際米蘭要求至少1億鎊現金先有得傾。

車路士領隊杜曹對迪姆華拿同譚美阿巴謙嘅表現都唔滿意，買星級前鋒係球隊首要任務，國際米蘭雖然陷入財政困難，但球會認為盧卡古係世界一線行列，1億鎊轉會費係最低要求，國際米蘭行政總裁馬羅塔早前表示：「我哋唔會賣盧卡古，佢係施蒙尼恩沙基棋盤上面非常重要嘅一隻棋。」