祖迪告魯夫重返巴塞　隨時搶走朗奴高文飯碗

最強博彩盤路過關神器《串績王》：http://win.on.cc/football/　

荷蘭「星二代」祖迪告魯夫已經重返巴塞隆拿，擔任技術總監一職，並現身觀眾席睇巴塞隆拿對薩爾斯堡嘅熱身賽。西班牙《阿斯報》指如果巴塞隆拿新一季表現欠佳，祖迪告魯夫隨時可能取代朗奴高文，成為球隊新教練。

身為已故荷蘭球王告魯夫之子嘅祖迪告魯夫，出身於巴塞青年軍，並曾為一隊上陣54場入11球，之後效力過曼聯、切爾達、艾拉維斯、愛斯賓奴等球隊。

呢位47歲名將之後掛靴後，曾經執教以色列球隊特拉維夫馬卡比，以及2支中超球隊重慶、深圳，今年7月決定接受巴塞邀請出任技術總監，參與各項管理工作，角色似係巴塞會長拉波塔嘅顧問，所以必要時搵佢執教巴塞隆拿都唔出奇。