2年前尷尬回憶！Kepa做英雄要多謝文迪

最強博彩盤路過關神器《串績王》：http://win.on.cc/football/　

車路士喺歐超盃加時最後1分鐘，換入後備門將阿列沙巴拿加救12碼，呢一幕喺2年前嘅英聯盃決賽「幾乎」出現，當時阿列沙巴拿加喺120分鐘拒絕副手韋利卡巴尼路登場，激列領隊沙利紮紮跳，結果車路士亦射輸12碼。不過今次角色調轉，阿列沙巴拿加成為後備上陣救12碼嘅人，杜曹賽後都話要「多謝艾度亞文迪讓路」。

車路士領隊杜曹賽後解釋今次換人：「呢樣嘢我一早已經同龍門傾好，分析師同門將教練畀我睇過資料，數據顯示阿列沙巴拿加救12碼成功率較高，所以我哋同門將講過，有可能會出現呢種調動，好可心艾度亞文迪樂意接受，佢係真正嘅團隊球員，我為阿列沙巴拿加同艾度亞文迪開心。」

資料顯示，阿列沙巴拿加喺今場之前，面對22個12碼救出5球，而艾度亞文迪26次面對12碼只救過2球，事實亦證明阿列沙巴拿加救12碼的確係有一手！