【官宣】柏度投拉素　死敵36年來首次交易

最強博彩盤路過關神器《串績王》：http://win.on.cc/football/　

意甲勁旅拉素周四(19日)宣布，球會由同市死敵羅馬手上簽入西班牙翼鋒柏度洛迪古斯，雙方簽約2年，呢位34歲老將會着起拉素9號波衫，而且今次轉會更為呢對「羅馬死敵」破冰，成為兩間球會36年來第一宗球員交易。

摩連奴執教羅馬後，柏度洛迪古斯已唔喺球會計劃之內，由於佢年薪高達800萬歐元，所以羅馬亦決定唔收轉會費，但求有球會願意接手，結果佢就得到拉素新教練沙利垂青，兩人18/19球季曾經喺車路士合作，柏度洛迪古斯對沙利嘅戰術有一定理解。

羅馬同拉素一向勢成水火，兩間球會對上一次有球員交易，已經要數到1985年，當時意大利門將馬基奧利奧(Astutillo Malgioglio)由羅馬轉投拉素，自此之後兩間球會就再冇任何球員交易，直至柏度轉會。