車路士宣布普列錫確診　2大將可復出

足球博彩神器，每日重心提供盡在《彩報》：http://win.on.cc/football/　

車路士周日(22日)晚英超將作客阿仙奴進行「倫敦打吡」，不過領隊杜曹賽前透露，美國翼鋒基斯甸普列鍚確診新冠肺炎，將會缺席呢場大戰，好在車仔亦有尼高路簡迪同薛耶治復出，加上新加盟嘅盧卡古候命，實力仍然強勁。

基斯甸普列鍚喺開咧戰有份入波，可惜日前確診新冠肺炎，呢位美國國腳之後喺社交網表示：「好不幸得到確診消息，不過我已經打晒疫苗，依家亦冇出現任何病徵。」阿仙奴日前亦證實奧巴美揚、拿卡錫迪、韋利安同溫拿臣確診，今場賽事亦上陣成疑。

不過車路士都有好消息，杜曹表示尼高路簡迪同薛耶治都已經恢復操練，今場會重返大軍名單，而以近1億鎊加盟嘅比利時前鋒盧卡古，亦都可以候命披甲。