阿仙奴內鬼現身 向車路士贏波畀Like
20210823
東網電視
更多新聞短片
韋利安被指係內鬼
足球博彩神器，每日重心提供盡在《彩報》：http://win.on.cc/football/
阿仙奴主場0比2不敵車路士，開季2連敗堅大鑊，賽後仲發現隊中有內鬼，就係巴西翼鋒韋利安！佢被發現喺車路士官方IG嘅贏波帖畀Like，令大批廠迷憤怒不已，認為佢仲心繫車仔，叫佢走人！
韋利安上季轉投阿仙奴，但表現平平，近日更確診新冠肺炎，開季頭兩仗都缺陣，阿仙奴則2連敗吞足4蛋，廠迷冇處發洩，依家發現韋利安向舊會畀Like，所贏球隊係自己效力嘅阿仙奴，紛紛向佢發炮。
阿仙奴球迷在網上大鬧佢係二五仔：「韋利安為此帖畀Like，難為佢仲怪阿仙奴球迷唔鍾意佢。」「立即解約啦！」「將呢啲車路士雙重間諜趕走！」
不過亦有車路士球迷作出點評：「韋利安喺車路士時我好鍾意佢，依家直情係愛上佢。」
另外仲有一件事令球迷疑惑，就係阿仙奴門將賓特尼奴件波衫，並非守門員球衣，而係阿仙奴作客球衣，球迷見到亦紛紛留言話球會內部立立亂，可以犯嘅錯都犯晒。