馬甸尼預告　基奧特同伊巴謙莫域會一齊踢！

足球博彩神器，每日重心提供盡在《彩報》：http://win.on.cc/football/　

AC米蘭周二(24日)凌晨意甲開咧戰，作客憑今季改做「10號仔」嘅巴謙戴亞斯一箭定江山，作客1比0力克森多利亞。法國前鋒基奧特今場意甲首演正選上陣，雖然冇波入但表現唔差，AC米蘭技術總監馬甸尼更表示，伊巴謙莫域復出之後，有機會同基奧特一齊正選上陣。

34歲嘅基奧特今夏由車路士加盟後，預料會同39歲嘅伊巴謙莫域輪流上陣，不過馬甸尼就話：「我哋想派最好嘅球員落場，基奧特同伊巴謙莫域一齊上陣都冇問題，雖然睇落佢哋嘅踢法同特點有好多相近之處，但伊巴謙莫域其實可以墮後做『導演』，佢以前都試過踢呢個位置。」

伊巴謙莫域今個夏天做完膝部手術，目前正養傷，據報佢會喺9月份嘅國際賽期之後正式回歸。