狀態一流！C朗最快9.11為曼聯上陣

最強博彩盤路過關神器《串績王》：http://win.on.cc/football/　

C朗回歸曼聯之後，幾時會為紅魔鬼上陣，備受關注，由於佢無法趕及周日(29日)晚英超為曼聯作客狼隊，而呢輪聯賽過後，就會進入國際賽檔期，曼聯下1場比賽將於9月11日晚英超主場對紐卡素，相信就係C朗登場嘅大日子。

C朗近期狀態相當唔錯，上場意甲補時更曾頂入1球靚波，可惜被吹越位，加上佢曾經效力過曼聯，熟悉球會文化及英超風格，相信唔會有水土不服問題，特別係佢曾經同現任領隊蘇斯克查做過隊友，彼此了解對方，預料可以迅速融入球隊。

因此，一般相信國際賽結束之後，C朗就可以為曼聯上陣，同埋9月11日晚對紐卡素，屬於紅魔鬼主場賽事，正係C朗隆重登場嘅好時機。