激戰打孖嚟!利物浦回穩強細鍊車

20210828
東網電視
更多新聞短片
最強博彩盤路過關神器《串績王》:http://win.on.cc/football/ 
英超重量級大戰,由「紅軍」利物浦主場惡鬥「藍戰士」車路士。兩隊開季同樣兩連勝兼保持清白身,攻守表現一樣咁頂級。正所謂高手過招唔會亂攻,佢哋近4次對碰3次開2球或以下,2.5球入球細值得睇好。(Now 621及611周日凌晨零時30分直播)
VVD復出穩定性大增
利物浦開季連勝諾域治及般尼,雖然對手實力較弱,但最重要係佢哋防守重回正軌。事實上「紅軍」上季大部分時間受後防傷兵問題困擾,搞到聯賽衞冕失敗,總算保住歐聯資格。
今季球隊捲土重來,華基爾雲迪積克(VVD)復出後雖未回復最佳水平,但佢拍住祖爾麥迪比足以令防線穩定性大增,等閒對手想攻陷佢哋唔係易事。
車路士頭兩仗連勝水晶宮及阿仙奴,同樣不失一球,共通點係兩場同屬「倫敦打吡」,今場佢哋首次離開倫敦作戰,不過以杜曹戰術嘅穩定性,影響唔會好大。
車路士本身防守堅固,前鋒線亦獲盧卡古回巢,呢位比利時前鋒與VVD嘅大鬥法,勢成賽事焦點。睇番兩軍近4次交鋒,3次開2球或以下,足見高手過招穩陣行先,今場入球唔會多。