蘇馬轉投韋斯咸　車仔賣10人進帳14億

20210829
  • 東網電視
    更多新聞短片
    最強博彩盤路過關神器《串績王》：http://win.on.cc/football/　
    車路士正式宣布，將中堅葛特蘇馬出售畀韋斯咸，據悉轉會費為2,980萬鎊，呢位即將27歲嘅法國國腳同韋斯咸簽約4年。
    車路士今夏已經出售10位球員，總共獲得1.54億歐元(約14億港元)轉會費收入，只係用1.14億歐元收購盧卡古，換言之車仔今夏轉會市場淨賺4,000萬歐元。
    葛特蘇馬2014年1月加盟車路士，當時轉會費只係1,200萬鎊，但呢位中堅並未獲重用，加上2016/17年球季因為受傷缺陣一段長時間。
    葛特蘇馬上季表現不俗，喺英超上陣24次入5球，但係主帥杜曹傾向用魯迪格、安達斯基斯坦臣、艾斯派古達踢正選中堅，加上仲有老將堤亞高施華在陣，葛特蘇馬難有出頭機會，所以決定離隊。
    英國傳媒指，車路士出售葛特蘇馬之後，可能會收購西維爾中堅祖利斯古迪。