利物浦官宣同隊長續約　下個到沙拿

最強博彩盤路過關神器《串績王》：http://win.on.cc/football/　

今夏轉會窗各隊忙於增兵組軍，利物浦則反其道而行，猛咁同現有球隊續約，最新一位就係隊長佐敦軒達臣續約，官方正式宣布留隊。報道指「神軒」同利物浦繼續至2025年，滿約時佢將滿35歲。

利物浦今夏轉會市場，僅簽入RB萊比錫中堅伊巴希馬干拿迪，之後全隊都冇向外擴軍，反而向隊內即將約滿嘅球員傾續約，艾利臣比加、艾賓奴泰華利斯、華基爾雲迪積克、阿歷山大阿諾特相繼留隊，尚餘兩年約嘅佐敦軒達臣，係最新一名留隊成員。

據報「神軒」一度有意拒絕續約，立即引來巴黎聖日耳門及馬體會探盤，直至領隊高普出手，承諾給予充分尊重同上陣時間，以避免韋拿杜姆自由身離隊事件歷史重演，「神軒」亦答允留隊。

紅軍餘下續約行動，將指向穆罕默德沙拿，高普希望各主力都得到長約，消除不穩定因素，為球會安心爭標。