沙拿「普巴上身」　要求50萬鎊周薪續約

最強博彩盤路過關神器《串績王》：http://win.on.cc/football/　

利物浦近期正在同球星穆罕默德沙拿傾續約問題，英國《鏡報》爆料指呢位29歲埃及國腳獅子開大口，要求50萬鎊(約540萬港元)周薪先至肯續約，難怪被網民批評佢已經變成另一保羅普巴。

穆罕默德沙拿現時周薪已經達到20萬鎊，屬於隊內高薪一族，由於佢只剩下2年合約，會方希望盡快同呢位翼鋒續約，但沙拿要求50萬鎊周薪，令會方難以接受，畢竟早前續約嘅中堅華基爾雲迪積克，都只係獲得22萬鎊周薪，相信紅軍只會向沙拿提供相近薪酬。

穆罕默德沙拿為利物浦上陣206場，射入127球，屬於球隊入波泉源，如果佢拒絕續約，勢必對紅軍構成沉重打擊。