港超聯 標準流浪人腳變動大  寄望小將爭氣

20210906
東網電視
更多新聞短片
拜神儀式後,大軍隨即投入操練。(李浚湣攝)
港超聯球隊標準流浪周一(6日)先於來季主場深水埗運動場進行簡單參拜儀式,隨即再到九龍灣運動場展開操練。總監李輝立(Philip)接受傳媒訪問,透露今季班費大約600至700萬,由於人腳變動大,因此不會刻意追求聯賽排名,寄望一眾年輕小將能好好發揮。
「班費年年都差唔多,今年就大約600至700萬,主要係球員福利加啲,同埋獎金都會高咗。」標準流浪今季人腳變動頗大,多名球員包括亞加斯圖、杜格拉斯、林學曦、李溢晉、播磨浩謙等悉數離隊,至於基藍馬、祖連奴、林嘉緯、盧均宜等主力將繼續留隊,惟陳肇鈞則仍未就續約達成共識。
新球員方面除了借用東方龍獅中堅劉學銘外、主要還有前東方龍獅小將鄭子森、回歸球隊的門將梁興傑和前愉園球員林衍廷、余在言、楊迪麟,並同時羅致舊將巴辛、曾效力凱景的21歲韓援金旻奎、以及由歐陽耀冲推薦的26歲日本守將林遼太。總監李輝立坦言球隊增加了不少新人,今季不會刻意爭取聯賽名次,寄望一眾年輕球員能好好發揮。
標準流浪今季一口氣簽入多名新球員,惟Philip卻表示歸隊情況未如理想:「今年面對嘅難題比上年更困難,除咗好多球員未試過踢超聯外,甚至連外援都無得依賴,目前巴辛仲未到香港,而林遼太嘅工作證(IDC)問題甚至未處理好,今朝仲同入境處搞緊,導致流浪今年唔太積極揾外援,寧願幫多啲失業球員。」
標準流浪將於9月18日的「菁英盃」揭幕戰面對東方龍獅,Philip直言對球隊表現感擔心:「我哋人都仲未齊,老實講有啲擔心,加上劉學銘因外借關係又踢唔到,好多細路仔完全都未踢過超聯,水準未必達得到,但我哋要求佢哋個拼搏精神,捱過頭幾場之後,希望聯賽之後齊腳,陣容完整啲。」