C朗回家！首演周六主場對紐卡素

足球博彩神器，每日重心提供盡在《彩報》：http://win.on.cc/football/　

萬眾期待嘅C朗拿度重返奧脫福第一擊曼聯對紐卡素，C朗已經完成5日隔離檢疫，周二(7日)現身曼聯訓練基地卡寧頓中心。曼聯官網並宣布，周六(11日)對紐卡素將會係C朗回家首演，另傳媒報道，當日開賽前仲會有歡迎儀式，歡迎呢位葡萄牙巨星回家。

報道指，目前C朗留喺柴郡家中隔離，為期5日，C朗現身曼聯基地，亦即表示佢已經完成隔離，並與領隊蘇斯克查見面傾談，兩人係舊隊友，自然大把嘢傾，估計C朗將可參與操練，雖然之前華拉尼都操咗兩星期先獲派落場，但C朗比較特殊，佢落場係大家期待嘅事情。

C朗落場踢幾多分鐘仲未知，但係佢上星期協助葡萄牙絕殺愛爾蘭，顯示狀態甚佳，而且據報今場曼聯對紐卡素，黃牛飛已炒到2500鎊（約2.68萬港元），大家都想親眼目睹佢闊別曼聯12年後再度登場嘅歷史時刻。

對紐卡素之後，曼聯下周歐聯分組賽作客年青人，曼聯官網表示，屆時C朗都會隨隊出征。