阿積士玩晒　杜辛泰迪治膺荷甲MVP

足球博彩神器，每日重心提供盡在《彩報》：http://win.on.cc/football/　

阿積士周四(16日)凌晨歐聯作客士砵亭前收喜訊，塞爾維亞球星杜辛泰迪治日前獲選為上季荷甲最佳球員，小將賴恩格雲貝治就獲選為最佳新人，令阿積士成為頒獎禮大贏家。

由荷蘭足總同傳媒機構合辦嘅頒獎禮，MVP由荷甲18支球隊隊長投票選出，上季交出14個入波同18次助攻嘅杜辛泰迪治成功當選，佢擊敗阿積士隊友卡拉臣、貝侯斯以及上季神射手基亞古馬基斯3大強敵而得獎。

最佳新人(21歲以下)同樣係由上季冠軍阿積士包辦，18個荷甲教練投票選出19歲小將賴恩格雲貝治，呢位中場上年底已經入選荷蘭國家隊，今季4場聯賽全部正選上陣並有1個入球。