有排捱　C朗連續2場歐聯遇剋星

最強博彩盤路過關神器《串績王》：http://win.on.cc/football/　

曼聯喺歐聯意外不敵年青人，其實早已注定？原來呢支瑞士球隊係C朗嘅「剋星」，C朗球員生涯2次對年青人，都輸波收場，對上1次係2018年12月，當時C朗效力嘅祖雲達斯喺最後1輪歐聯分組賽，提早出線情況下，作客1比2不敵年青人。

最巧合係年青人3年前擊敗祖雲達斯之後，等到今場先至再踢歐聯分組賽，估唔到又係贏咗C朗效力嘅球隊，唔到你唔信邪。

事實上，C朗注定今屆歐聯之路難行，曼聯同組另一支球隊維拉利爾過去都令C朗吃盡苦頭。C朗出戰歐聯以來，曾經面對過51支唔同球隊，只有4支球隊未贏過，當中最難搞對手就係維拉利爾，佢喺歐聯4次對呢支西甲勁旅，都贏唔到波，曼聯下輪歐聯分組賽主場對維拉利爾，睇下C朗能否打破宿命。