這個機會不屬於我！C朗誤傷女保安送波衫謝罪

足球博彩神器，每日重心提供盡在《彩報》：http://win.on.cc/football/　

C朗重返曼聯嘅新球衣，全球粉絲搶住要，但係要攞C朗親手送嘅真正落場版波衫，就真係要講機緣，周三凌晨喺歐聯幫手維持秩序嘅一位女保安，因為被C朗練波時「省中」暈倒，事後獲得呢位葡萄牙球星送上7號波衫，真係開心到暈啦！

曼聯同年青人喺歐聯比賽前，C朗係場邊熱身時，將皮球直接射中場邊當值嘅女保安，搞到暈得一陣陣，即時倒地，旁邊嘅職員即上前協助，而C朗亦即走到佢旁邊慰問，後來知道佢無大礙先返到球場繼續熱身。

不過，C朗對於誤傷呢位女保安仍然掛在心，事後向呢位女保安送上7號波衫，令到「保安姨姨」笑到見牙唔見眼，仲立即著上身，費事被人搶到啦！