基亞利殊重演朗尼17年前好戲　寸爆PSG

最強博彩盤路過關神器《串績王》：http://win.on.cc/football/　

曼城喺歐聯A組主場以6比3大勝RB萊比錫，今夏以1億鎊轉會費由阿士東維拉加盟曼城嘅基亞利殊踢出身價波，射入1球及1次助攻，繼2004年曼聯名宿朗尼之後，終於再有英格蘭球員可以喺歐聯處子戰入波及助攻。

賽後基亞利殊心情非常興奮，佢話：「過去幾星期，我一直好期待踢歐聯，今場係偉大嘅比賽，好高興可以贏波，我有信心單對單情況下，同對手較量，所以獲得回報，歐聯咩事都有可能發生，你睇下同組另一場布魯日打和巴黎聖日耳門1比1就知。」

基亞利殊明顯寸緊巴黎聖日耳門即使今季擁有球王美斯助陣，都唔係大晒。