孫興民自爆兒時最愛曼聯　因為星爺

足球博彩神器，每日重心提供盡在《彩報》：http://win.on.cc/football/　

孫興民近年躍居成為熱刺當紅球星，佢近日自爆兒時係曼聯球迷，主要係因為南韓名宿朴智星，可惜成長後去咗熱刺，加盟曼聯已經冇可能。

朴智星2005年加盟曼聯時，孫興民只有13歲，因此被問及兒時喜愛球隊，孫第一時間答「曼聯」：「因為朴智星效力曼聯，佢係南韓人民嘅英雄，大家都說佢有兩個心臟，佢後來成為我嘅好朋友，佢為我哋打通前往歐洲大門，佢帶畀我哋希望同機會。」

朴智星在曼聯效力7年，贏過4次英超及1次歐聯，上陣超過200場，在南韓一度掀起曼聯熱潮，不過依家南韓球迷基本上轉晒會去熱刺，孫興民坦言：「我依家唔可以再做曼聯球迷，因為當時朴智星踢曼聯，我才支持，但依家唔可以喇！」

孫興民早前世盃外為南韓服役時拉傷小腿，歸隊後一直養傷，暫未知何時復出，熱刺喺佢缺陣期間，聯賽輸波，歐協聯首仗亦失分，熱刺冇咗老孫都幾頭痕。