京士利高文做心臟手術　避免成艾歷臣2.0

最強博彩盤路過關神器《串績王》：http://win.on.cc/football/　

德甲勁旅拜仁慕尼黑教練拿高斯文表示，隊內翼鋒京士利高文因為有些微心律不正常，決定接受一個簡單小手術，避免將來問題惡化，預料呢位25歲法國國腳將會缺陣2星期。

拿高斯文話：「京士利高文有輕微心律問題，佢周四(16日)已經做咗手術，將於下周二(21日)開始進行心肺訓練，需要休息大約2星期，佢現時感覺良好，並冇疼痛。」預料京士利高文將會缺陣德甲對波琴、格雷特霍夫、歐聯對基輔戴拿模。

丹麥國腳基斯甸艾歷臣喺今屆歐國盃比賽期間，因為心臟問題突然暈倒，震驚球壇，京士利高文今次選擇病向淺中醫，絕對明智。