曼聯有Plan B　普巴離隊即簽A米大將

最強博彩盤路過關神器《串績王》：http://win.on.cc/football/　

曼聯中場主力保羅普巴將於明年夏天約滿，但佢至今仍然唔肯續約，據悉會方已經為續約失敗做好準備，一旦普巴最終決定走人，紅魔鬼就會簽入AC米蘭中場基斯爾填補佢嘅位置。

24歲嘅基斯爾技術全面，攻守兼備，呢位科特迪瓦國腳4年前加盟AC米蘭之後，立即成為球隊主力，上陣意甲上陣37場射入13球，創出職業生涯單季最多入球紀錄。

由於基斯爾同普巴一樣，都係將於明年夏天約滿，現時已經引來多支球隊爭奪。據悉基斯爾只係要求13萬鎊周薪，連普巴一半都唔夠，曼聯一旦放走普巴，就可以騰出巨額薪酬空間，有信心用高薪吸引基斯爾加盟。