大鑊！美斯左膝受傷　今次手尾長

最強博彩盤路過關神器《串績王》：http://win.on.cc/football/　

阿根廷球王美斯今季加盟巴黎聖日耳門(PSG)之後諸事不順，唔止仲未入波，更加遭到傷患問題困擾，PSG官方公布呢位34歲前鋒左膝受傷，將於2日內再做詳細檢查，預料將會缺陣周四(23日)凌晨法甲作客梅斯，甚至可能無法出戰周日(26日)凌晨法甲主場對蒙彼利埃，意味美斯想開齋，又要再等一等。

PSG早前聯賽對里昂，美斯踢到76分鐘就被換走，離場時更加發脾氣，拒絕同教練普捷天奴握手。法國《隊報》指美斯當時已經受傷，普捷天奴為咗保護呢位巨星，先至換走佢，卻被對方「黑面」，實在無辜。

據悉，美斯喺周一(20日)操練期間，又感到不適，需要接受治療，會方將會安排佢接受詳細檢查，以便制定最佳治療方案。