最強帶刀侍衛　阿舒拉夫起孖打救PSG

最強博彩盤路過關神器《串績王》：http://win.on.cc/football/　

巴黎聖日耳門(PSG)周四(23日)凌晨法甲作客梅斯，喺美斯受傷缺陣下一度陷於苦戰，最後要靠右閘阿舒拉夫補時5分鐘上演「絕殺」，驚險贏2比1保持聯賽100%勝率，喺美斯仲未「開齋」情況下，阿舒拉夫今季已有3個聯賽入波，最強帶刀侍衛果然名不虛傳。

PSG今場有美斯受傷缺陣，前線由莫路伊卡迪頂上，同尼馬、基利安麥巴比合組鋒線，開波5分鐘莫路伊卡迪挑射被救空門，阿舒拉夫補射建功，不過梅斯39分鐘憑一次角球攻勢頂入追平。PSG之後一直狂攻，91分鐘梅斯後衞戴倫布朗因拖延時間拎第2面黃牌被逐，95分鐘阿舒拉夫殺入禁區扣左腳勁射破網，為PSG拎到2比1勝利。

連同開鑼戰對特魯瓦嘅入波，阿舒拉夫登陸法甲後6場正選入3球，入波只係少過基利安麥巴比(4球)。PSG目前法甲7戰全勝排榜首，由於馬賽作客同昂熱悶和0比0，PSG領先優勢已拉開到7分。