方辛加爆料 熱刺總監拒踢進攻足球

2021年09月24日 15:35
東網電視
更多新聞短片
足球博彩神器,每日重心提供盡在《彩報》:http://win.on.cc/football/ 
英超勁旅熱刺雖然成功挽留王牌前鋒哈利卡尼,不過今季聯賽5仗只入3球,新帥紐奴嘅進攻戰術更受到批評,不過據葡萄牙名帥方辛加爆料,熱刺新任總監柏拉迪斯上場後,拒絕球隊踢進攻足球,呢個亦係方辛加未能執教熱刺嘅最大原因。
熱刺今夏物色新帥,曾執教薩克達、羅馬等球會嘅方辛加原本係首選,雙方甚至已經達成協議,但當方辛加開始籌備組軍計劃,柏拉迪斯上場就出現變數。方辛加表示:「我同熱刺傾掂晒,球會想要一個主攻教頭,雖然未正式公布,但我已經開始計劃,直到新總監(柏拉迪斯)嚟到,我哋嘅理念唔同,佢想搵另一個領隊。我之前教所有球隊都係以進攻為目標,唔可能有其他踢法,我會堅持呢個進攻理念,可惜唔可以喺熱刺新總監之下實現。」
同樣嚟自葡萄牙嘅紐奴,過去執教狼隊都係以防守同反擊戰術起家,今季執教熱刺頭3場聯賽都贏1比0,不過近2輪連續吞3蛋,連哈利卡尼都冇波入,令紐奴戰術受到質疑。