愛華頓送走占士即入貨　傳簽奧里亞

足球博彩神器，每日重心提供盡在《彩報》：http://win.on.cc/football/　

愛華頓日前落實將占士洛迪古斯賣去艾雷恩後，球隊立即準備買人「補血」，目標直指今夏回復自由身嘅奧里亞，領隊賓尼迪斯視呢位前熱刺球星為解決右閘危機嘅人選，預計成事機會極大。

據《利物浦回聲報》消息，愛華頓對奧里亞早就虎視眈眈，不過佢之前同熱刺嘅7萬鎊周薪合約成為最大障礙，隨住周薪20萬鎊嘅占士洛迪古斯離隊，「拖肥糖」嘅薪酬架構立即出現大量空間，令賓尼迪斯可以向奧里亞埋手。

愛華頓目前正選右閘係史密斯高文，但佢已經32歲兼經常受傷，最近2場賽事缺陣下，愛華頓試用賓葛菲特同莊祖堅尼效果都未如理想，相反28歲嘅奧里亞出擊力極強，加盟後有望同史密斯高文爭逐正選位置。