C朗母親：如果唔踢波　佢去做地盤

最強博彩盤路過關神器《串績王》：http://win.on.cc/football/　

C朗母親多洛雷斯近日上電台接受訪問，爆咗好多小趣事，吸引廣大朗迷留意，呢位巨星媽可以話無所不談，由佢個仔細細個時講起，佢話如果C朗唔去踢波嘅話，佢只係一名地盤佬。

「朗媽」表示：「如果冇足球，C朗只係一個默默無聞嘅地盤佬。話說18年前，C朗喺士砵亭效力，當時有機會同曼聯交手，比賽之後C朗同我講，曼聯想簽佢，問我意見，我就話咁細個就去曼聯，咁好咩？C朗咁樣講：『媽媽，請不要折斷我的翅膀。』」之後C朗首次加盟曼聯，成為巨星。

直至C朗第2次去曼聯，「朗媽」都有畀意見，叫佢唔好周圍去，返士砵亭陪阿媽，但C朗嘅回答係佢至少會踢到40歲，仲有大把時間。其實C朗返曼聯期間，仲有過好多傳聞，例如同曼城簽約，仲有費格遜介入，但原來都係吹水，C朗同阿媽講：「媽，唔使理嗰啲傳聞，我會返曼聯。」